VHM

vhm.ucoz.com<< 20 Yanvar Faciesi>>

defaultNick — Wed, 19 Jan 2011 10:38:00 GMT

20 Yanvar - 1990-da SSRİ Prezidenti Mixail Gorbaçovun göstərişi ilə Sovet Ordusu hissələri həm quru, həm dəniz yolu ilə Bakı şəhərinə həmlə edərək 100-dən artıq silahsız insanı qətlə yetirdi.

20 Yanvar - 1990 Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən on doqquz il keçir. Keçmiş sovet dövlətinin hərb maşınının həmin gün Azərbaycan xalqına qarşı həyata keçirdiyi vəhşi terror aktı insanlığa qarşı törədilmiş ən ağır cinayətlərdən biri kimi bəşər tarixində qara səhifə olaraq qalacaqdır. Milli azadlığı, ölkəsinin ərazi bütövlüyü uğrunda mübarizəyə qalxmış dinc əhaliyə divan tutulması, kütləvi terror nəticəsində yüzlərlə günahsız insanın qətlə yetirilməsi və yaralanması totalitar sovet rejiminin süqutu ərəfəsində onun cinayətkar mahiyyətini bütün dünyaya bir daha nümayiş etdirdi.

Sovet Ordusunun böyük kontingentinin, xüsusi təyinatlı bölmələrin və daxili qoşunların Bakıya yeridilməsi xüsusi qəddarlıq və görünməmiş vəhşiliklə müşayiət edildi. Kommunist diktaturası Çexoslovakiyaya, Macarıstana, Əfqanıstana qarşı həyata keçirdiyi hərbi müdaxiləni hətta o zamankı Sovet İttifaqının müttəfiq respublikalarından biri olan Azərbaycanda da təkrarlamaqdan çəkinmədi. Həmin vaxt Azərbaycan qonşu Ermənistanın da təcavüzünə məruz qalmışdı. Belə bir şəraitdə sovet rəhbərliyi nəinki münaqişənin qarşısını almaq üçün qəti tədbirlər görməmiş, əksinə, Azərbaycana yeridilən ordu hissələrinin tərkibinə Stavropol, Krasnodar və Rostovdan səfərbərliyə alınan erməni əsgər və zabitləri, sovet hərbi hissələrində xidmət edən ermənilər, hətta erməni kursantlar da daxil edilmişdi.

vhm.ucoz.com » Maraqlı » 162 müsəlmanla bütpərəst evləndi

defaultNick — Wed, 19 Jan 2011 10:30:19 GMT

Hindsitanda kütləvi toy mərasimi keçirilib.

vhm.ucoz.com xəbər portalı ABNA-ya istinadən bildirir ki, Hindistanın Qucarat ştatında 81 müsəlman və bütpərəst cütlüyün nikah mərasimi keçirilib.

Ştatın hakimiyyət dairələri bildirirlər ki, hər il təxminən 180 gənc müsəlman və bütpərəst 90 ailə cütlüyü yaratmaq istəyini bəyan edirlər.

"Artıq beş ildir ki, belə mərasim təşkil edirik. Cuqana şəhərinin sabiq meri bizi əməyimizə görə fəxri fərmanla da mükafatlandırmışdı", - tədbirin təşkilatçısı Svami Muhammad deyib.

Milli Kitab Mükafatının ekspertlərinin adları açıqlandı

defaultNick — Sat, 08 Jan 2011 18:53:25 GMT

Bu gün Milli Kitab Mükafatının (MKM) Ekspertlər Şurasının ilk toplantısı keçirilib.

vhm.ucoz.com xəbər portalı bildirir ki, toplantının keçirilməsində məqsəd, əsərlərin dəyərləndirilmə mexanizminin müzakirəsi və iş prinsiplərinin qəbul edilməsi idi.

Toplantı ilə bağlı MKM-in təsisçisi Nigar Köçərli jurnalistlərə məlumatında bildirib ki, ekspertlərin adlarının açıqlanması fəaliyyətdə şəffaflıq prinsipinə əməl etməkdir: "Keçən il ekspertlərin adlarını gizli saxlamışdıq. Bununla da onların kənar təzyiqlərə məruz qalmaq ehtimalını sıfıra endirmişdik. İndi isə prosesin aşkarlıq şəraitində aparılması MKM-in nüfuzunu daha da artıracaq. Bunun üçün də ekspertlərlə birgə qərara gəldik ki, onların adları ictimaiyyətə açıqlansın”.

Qeyd edək ki, ekspertlər şurası 6 nəfərdən ibarətdir. Şura üzvlərinin kimliyinə gəlincə, tənqidçi, filoloq Elnarə Tofiqqızı, şair, tərcüməçi Mahir Qarayev, tənqidçi, filologiya elmləri doktoru Tehran Əlişanoğlu, yazıçı, tərçüməçı Yaşar, köşə yazarı Qan Tural və yazar Zahir Əzəmətdir.

N. Köçərlinin sözlərinə görə, bu il münsif üzvləri də səslərini açıq formada bildirəcəklər.

Əsərlərin qəbulu yanvarın 10-dək davam edir. Müsabiqədə hekayələr, povestlər, romanlar və digər ədəbi üslublarda yazılmış nəsr əsərləri qəbul olunur. I yerin sahibi 3000 (üç min), II yer 2000 (iki min), III yerin qalibi isə 1000 (min manat) pul mükafatı ilə təltif olunacaq.

vhm.ucoz.com » Maraqlı » 25 dollarlıq kliplə dünyada məşhurlaşdılar - VİDEO

defaultNick — Wed, 05 Jan 2011 02:45:37 GMT

Hurts" qrupu fenomenal populyarlıq qazanıb.

vhm.ucoz.com xəbər portalı "Entertaiment"ə istinadən bildirir ki, Böyük Britaniyanın Mançester şəhərində yaradılmış "Hurts" qrupu 1980-ci illərin elektropop janrında kompoziyalar ifa edir.
Musiqiçilərin özləri stillərini "Noir’n'b and doom pop" adlandırırlar.

Məşhur və nüfuzlu "New Musical Express" bu qrupu artıq "Officially the. next. big. thing" tituluna layiş bilib. Ən perspektivli və isteadlı gənc musiqiçilərin "BBC Sound of 2010" reytinq siyahısında qrup 4-cü yeri tutub.

Seyr edə biləcəyiniz bu klip onları dünyaca məşhurlaşdırdı. Ən maraqlısı isə odur ki, MTV, VH1 və "Entertaiment" telekanallarında sürəkli nümayiş etdirilən "Wonderful life" klipinin çəkilişinə "Hurts" qrupu cəmi 25 dollar xərcləyib.

Xelil
vhm.ucoz.com

URL: http://www.vhm.ucoz.com/news/interest/31758.html

vhm.ucoz.com » Cəmiyyət » Yanvarın 5-nə olan hava proqnozu

defaultNick — Wed, 05 Jan 2011 02:39:08 GMT

Axşam yağış yağa bilər.

vhm.ucoz.com xəbər portalına Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, yanvarın 4-də ölkə ərazisində hava əsasən yağmursuz keçəcək, amma axşam saatlarında yağıntı olacaq.

Bakıda havanın temperaturu gündüz müsbət 9-11, gecə 5-7, Naxçıvanda gündüz 6-8, gecə mənfi 3-5 dərəcə, aran bölgəsində gündüz müsbət 9-11, gecə 0-2, dağlıq zonada gündüz 0-2, gecə mənfi 5-7 dərəcə olacaqdır.
Bakıda axşam saatlarında yağış gözlənilir.

vhm.ucoz.com » Cəmiyyət » Sabirabadda “Narkomaniyaya Yox Deyək” rəsm sərgisi keçirilib

defaultNick — Tue, 04 Jan 2011 16:27:27 GMT

"İRƏLİ” İctimai Birliyi və Sabirabad rayon Gənclər və İdman idarəsi Sabirabadda "Narkomaniyaya Yox Deyək” devizi altında rəsm sərgisi keçirib.

"İRƏLİ”dən vhm.ucoz.com xəbər portalına daxil olan məlumata görə, tədbirdə yeniyetmələrin əl işlərindən sərgi hazırlanıb. Əvvəlcə sərgiyə baxış keçirilib. Sonra Sabirabad rayon Gənclər və idman idarəsinin rəisi Nadir Quliyev narkomaniyanın törətdiyi fəsadlardan və gənclərin təlim-tərbiyəsindən danışıb.

"İRƏLİ” İctimai Birliyinin nümayəndəsi İmaməddin Quliyev AİDS və narkomaniyanın törətdiyi fəsadlar və "İRƏLİ” İctimai Birliyinin bu sahədə apardığı layihələr və aksiyalar haqqında məlumat verib.

Tədbirdə bu mövzu ilə bağlı marifləndirici bukletlər paylanılıb və rəsm müsabiqəsində iştirak edən məktəblilərdən üç ən yaxşı rəsm müəllifi rayon Gənclər və idman idarəsi tərəfindən diplom və hədiyyələrlə təltif olunub. Bundan başqa "İRƏLİ” İctimai Birliyinin İnformasiya Texnologiyaları Mərkəzinin Sabirabad rayonunda təşkil etdiyi kompyuter kurslarında fərqlənən gənclər şəhadətnamə ilə təltif olunub.

Tədbirin sonunda "İRƏLİ” İctimai Birliyinin üzvü, gənc rejissor Elvin Abdullayevin "Özgə Günah” (gənclərdən, onların sosial problemlərindən və narkomaniyadan bəhs edir) filminin təqdimatı olub.

vhm.ucoz.com » İdman » «Ayaks»da yeni baş məşqçi

defaultNick — Tue, 04 Jan 2011 16:22:20 GMT

40 yaşlı hollandiyalı mütəxəssis Frank de Bur «Ayaks» klubunun baş məşqçisi təyin olunub.

vhm.ucoz.com xəbər portalının Rusiya KİV-nə istinadən verdiyi məlumata görə, o, hələ dekabrın 6-dan bu postda Martin Yolu əvəzləsə də, rəsmi təyinat hələ indi baş verib. Təxminən 1 ay ərzində müvəqqəti olaraq baş məşqçi səlahiyyətlərini icra edən de Burun işindən razı qalan klub rəhbərliyi onunla 2014-cü ilədək müqavilə imzalayıb.

vhm.ucoz.com » Şou-biznes » ATV-də ciddi dəyişikliklər: bu ildən etibarən telekanal mədəniyyət yönümlü olacaq

defaultNick — Tue, 04 Jan 2011 16:16:52 GMT

Məşhur telekanalın hansı verilişləri bağlanılır?

vhm.ucoz.com xəbər portalının məlumatına görə, Azərbaycan teleməkanında əsasən, əyləncəli, şou-biznes telekanalı kimi tanınan ATV bu ildən etibarən mədəniyyət, incəsənət xəbərlərinə, daha ciddi verilişlərə üstünlük verəcək. Bundan başqa, bu ildən etibarən ATV-nin loqosu, dizaynı, kompüter qrafikası da dəyişiləcək.

Əldə etdiyimiz məlumata görə, islahatlar telekanalın həm də verilişlərində və onların məzmununda da aparılacaq. Belə ki, bir neçə verilişlərin dayandırılması, bəzilərinin adının, məzmununun dəyişdirilməsi nəzərdə tutulur. Telekanalın şou-biznes məzmunlu, qalmaqallı, ailədaxili konfliktlərin qabardıldığı verilişlərinin sayının azaldılması, mahiyyətcə daha ciddi proqramlar və mədəniyyət verilişləri ilə əvəzlənməsi gözlənilir. Bununla əlaqədar olaraq bəzi verilişlərin, təxminən 5-6 verilişin dayandırılması, bəzilərinin isə adının və ya aparıcısının dəyişdiriləcəyi gözlənilir.

Bağlanılması gözlənilən verilişlər sırasında Dilarə Əliyevanın aparıcısı olduğu «Burada və indi» (keçmiş «Çal-çağır» verilişi) adlı proqramın da yer aldığı deyilir. Həmçinin bəzi məlumatlara görə, «Sən tək deyilsən» verilişinin bir müddət yayımı dayandırılacaq və adı dəyişdirilərək «Səni axtarıram» olacaq. Qısa müddətlik fasilədən sonra yeni adla, yeni formatda efirə çıxacağı gözlənilir.

Bağlanılması planlaşdırılan verilişlərdən birinin - «Onun yarısı»nın isə yüksək reytinqini nəzərə alıb, yenidən bərpa edilməsi gözlənilir. Hazırda isə həmin verilişin çəkilişləri dayandırılıb.

Bu gün məlumat verdiyimiz kimi, bağlanması gözlənilən verilişlərdən biri kimi «ATV maqazin» verilişinin də adı çəkilir. Ona görə də verilişin aparıcısı İlkin Həsəni ilə əlaqə saxladıq. Lakin İlkin Həsəni Milli.Az xəbər portalına açıqlamasında bu məlumatı təkzib etdi və verilişinin əvvəlki axarında davam edəcəyini deyib: «Dediyiniz məsələlərlə bağlı mən yalnız onu deyə bilərəm ki, "ATV maqazin" verilişinin artıq 8 ildir ki, aparıcısıyam və veriliş indi də fəaliyyətini davam etdirir. Hər həftə öz vaxtında, öz saatında efirə çıxacaq, yəni, proqram öz axarı ilə davam edəcək".

Xelil

vhm.ucoz.com

vhm.ucoz.com » Dünyada » Pakistanın ən böyük əyalətlərindən birinin qubernatoru öldürüldü

defaultNick — Tue, 04 Jan 2011 16:12:57 GMT

Əhalisinin sayına görə Pakistanın ən nəhəng vilayətlərindən olan Pencabın qubernatoru Salman Tasir öldürülüb.

vhm.ucoz.com xəbər portalının RİA «Novosti»yə istinadən verdiyi məlumata görə, o, dünən törədilmiş sui-qəsddən sonra ağır yaralanmışdı. Həkimlərin səylərinə baxmayaraq, qubernatorun həyatını xilas etmək mümkün olmayıb.

vhm.ucoz.om » Dünyada » Avropa yenidən Lukaşenkonun üzünə qapadılır?

defaultNick — Tue, 04 Jan 2011 16:09:40 GMT

Avropa Birliyi (AB) Belarus prezidenti Aleksandr Lukaşenkonun birlik üzvlərinin ərazisinə səfərini yenidən qadağan edə bilər.

vhm.ucoz.com xəbər portalının RİA «Novosti»yə istinadən verdiyi məlumata görə, qadağa bir sıra Belarus məmurlarına da aid edilə bilər.

İsveçin xarici işlər naziri Karl Bildt bildirib ki, «bu, ölkədəki son seçki, daha sonra müxalifətə qarşı zorakılıq və həyata keçirilən həbslərlə bağlıdır».